开头係坐街边啲大排档，出面係马路，有一半行人路有开路工程做紧。
首先我应该係见住架巴士停在係个巴士站，但突然架巴士瞓低咗，（应该係地盘凹陷）入面有好多乘客，车头位置仲有消防员，我仲心谂：「啲消防员过重，搞到架巴士反囉??」跟住我又坐番低，坐我隔离嘅一位陌生人，无拉拉係地下执咗张湿纸巾，係度抺自己，但其实我知道呢张湿纸巾係有啲屎水，呢条陌生人，好似傻佬，抺完又帮我抺，我当然立即火到嚟弹开攞番呢张有屎水嘅湿纸巾掉佢啦，仲一边闹一边攞住个面盆走人，走咗去一个有水龙头嘅洗手盆。
不过个水龙头好似啲日本野咁有个公仔摆设（好难形容啊）总之有啲乾淨水洗俾我洗下面，但我其实想洗埋个面盆，可惜个洗手盆太细，我要搵个大啲。
之后行咗去一条又一条嘅酒店式走廊，见到一个女仔身影，我当时係认得呢女仔係出版社旧同事叫shr，因为心急想快啲洗乾淨个面盆，我就衝咗入去男厕，因为有啲男厕门口已经係洗手盆位置，我仲照咗一次镜，见到自己带黑框眼镜。
跟住就听到后面有把女声叫我：「你係咪水哥啊～？做乜学人带眼镜?」我知道shr认得出我，??所以过嚟同我倾偈，但呢一刻我就醒咗啦！
完！
↑返回顶部↑